manibus ac faucibus eripui, quibusnam verbis aut quo ritu— primum hoc dico—civis domum consecrares, deinde civis eius cui princeps senatus, tum autem ordines omnes, deinde Italia tota, post cunctae gentes testimonium huius urbis atque imperi conservati dedissent? quid diceres, o nefanda et perniciosa labes civitatis? ades , Luculle, ades Servili , dum dedico domum Ciceronis, ut mihi praeeatis postemque teneatis!