Reading Aeneis — P. Vergilius Maro

Step 1 of 6 · Read it through once

Book 2

Passage 1 of 52 · Section metadata unavailable

Passage in this section

Choose a paragraph to open its bounded reader passage.

Current position: Loading section metadata…

Loading source sections…

Conticuere omnes, intentique ora tenebant.

Inde toro pater Aeneas sic orsus ab alto:

Infandum, regina, iubes renovare dolorem,

Troianas ut opes et lamentabile regnum

eruerint Danai; quaeque ipse miserrima vidi,

et quorum pars magna fui. Quis talia fando

Myrmidonum Dolopumve aut duri miles Ulixi

temperet a lacrimis? Et iam nox umida caelo

praecipitat, suadentque cadentia sidera somnos.

Sed si tantus amor casus cognoscere nostros

et breviter Troiae supremum audire laborem,

quamquam animus meminisse horret, luctuque refugit,

incipiam. Fracti bello fatisque repulsi

ductores Danaum, tot iam labentibus annis,

instar montis equum divina Palladis arte

aedificant, sectaque intexunt abiete costas:

Find a section