Romani universi voluntatem? quid ? Apollinarium ludorum plausus vel testimonia potius et iudicia populi Romani parum magna vobis videbantur? O beatos illos qui, cum adesse ipsis propter vim armorum non licebat, aderant tamen et in medullis populi Romani ac visceribus haerebant! Nisi forte Accio tum plaudi et sexagesimo post anno palmam dari, non Bruto putabatis , qui ludis suis ita caruit ut in illo apparatissimo spectaculo studium populus Romanus tribueret absenti , desiderium liberatoris sui perpetuo plausu et clamore leniret. equidem is sum qui istos plausus, cum popularibus civibus tribuerentur, semper contempserim;